O`ZBEKISTON RESPUBLIKASI XALQ DEPUTATLARI
TOSHKENT SHAHAR KENGASHI
TOSHKENT SHAHAR KENGASHI
Xalq deputatlari Toshkent shahar Kengashining reglamenti
I bob. Umumiy qoidalar
I-modda. Xalq deputatlari Toshkent shahar Kengashi (bundan buyon matnda mahalliy Kengash deb yuritiladi) davlat hokimiyatining vakillik organidir.
Mahalliy Kengash o‘z faoliyatini O'zbekiston Respublikasining Konstitutsiyasi, O'zbekiston Respublikasining Saylov kodeksi, O'zbekiston Respublikasining “Mahalliy davlat hokimiyati to‘g‘risida”gi, “Xalq deputatlari viloyat, tuman va shahar Kengashi deputatining maqomi to‘g‘risida”gi qonunlari va boshqa qonunlari, O'zbekiston Respublikasi Oliy Majlisi palatalarining qarorlari, shuningdek o‘z reglamentiga muvofiq amalga oshiradi.
2-modda. Mahalliy Kengash faoliyati masalalarni jamoa bo‘lib va erkin muhokama qilishga, oshkoralikka, jamoatchilik fikrini hisobga olishga asoslanadi.
3-modda. Mahalliy Kengash o‘z faoliyatining asosiy yo'nalishlarini mahalliy Kengashning sessiyasida (bundan buyon matnda sessiya deb yuritiladi) tasdiqlangan ish rejasi asosida belgilab oladi. Mahalliy Kengash faoliyatining asosiy yo'nalishlarini o‘z ichiga oladigan ish rejasi asosida mahalliy Kengashning doimiy komissiyalari (bundan buyon matnda doimiy komissiyalar deb yuritiladi) ish rejalari tuziladi.
Mahalliy Kengashning ish rejasi mahalliy Kengash deputatlari (bundan buyon matnda deputatlar deb yuritiladi), doimiy komissiyalar, partiya guruhlari, shuningdek hududiy vakillik organi sifatida O'zbekiston Respublikasi Oliy Majlisi Senati tavsiyalarini inobatga olgan holda ishlab chiqiladi.
Mahalliy Kengashning ish rejasi ommaviy axborot vositalari hamda mahalliy Kengashning veb-saytida e'lon qilinishi mumkin.
Mahalliy Kengash ish rejasining bajarilishi uning sessiyalarida, sessiyalar oralig'ida esa doimiy komissiyalar majlislarida muhokama qilinadi.
Mahalliy Kengashning ish rejasiga o'zgartirish va qo'shimchalar kiritish to'g'risidagi masala mahalliy Kengash raisi, doimiy komissiyalar, partiya guruhlari va deputatlarning taklifiga binoan sessiyada ko'rib chiqiladi. Ushbu masala yuzasidan qaror mahalliy Kengash reglamentida belgilangan tartibda qabul qilinadi.
Mahalliy Kengashning ish rejasi o‘z vaqtida bajarilishini tashkil etish, shuningdek doimiy komissiyalarning ish rejalari doimiy komissiyalar tomonidan o‘z vaqtida ijro qilinishi uchun mahalliy Kengash raisi mas'ul hisoblanadi.
4-modda. Mahalliy Kengashga uning deputatlari orasidan saylanadigan rais boshchilik qiladi.
Toshkent shahar hokimi lavozimini egallab turgan shaxs bir vaqtning o'zida mahalliy Kengashning raisi lavozimini egallashi mumkin emas.
Ayni bir shaxs surunkasiga ikki muddatdan ortiq mahalliy Kengashning raisi etib saylanishi mumkin emas.
Mahalliy Kengash raisi o‘z vazifalarini bajarish davrida siyosiy partiyaga a’zolikni to‘xtatib turadi, shuningdek, doimiy va boshqa komissiyalar, partiya guruhlari tarkibiga kirishi mumkin emas.
Mahalliy Kengash raisi mahalliy Kengash ishini tashkil etadi, mahalliy Kengashga ko‘rib chiqish uchun kiritiladigan masalalarni tayyorlashga umumiy rahbarlik qiladi, uning sessiyalarida raislik qiladi.
Mahalliy Kengashning vakolat muddati besh yil bo‘lib, mahalliy Kengash raisi mahalliy Kengash vakolati muddatiga saylanadi.
5-modda. Mahalliy Kengash hudud uchun umumiy bo'lgan ijtimoiy-iqtisodiy rivojlanish vazifalarining amalga oshirilishini, joylarda O'zbekiston Respublikasining Konstitutsiyasi va qonunlari, O'zbekiston Respublikasi Oliy Majlisi palatalarining qarorlari, O'zbekiston Respublikasi Prezidentining farmon va qarorlari, O'zbekiston Respublikasi Vazirlar Mahkamasining qarorlari ijro etilishini, O'zbekiston Respublikasi davlat hokimiyati va boshqaruvi organlari bilan fuqarolarning o'zini o‘zi boshqarish organlari o'rtasidagi aloqani mustahkamlashni, aholini tegishli hududni boshqarishga jalb etishni ta'minlaydi.
Mahalliy Kengash hududda o'zini o‘zi boshqarishning rivojlanishiga ko'maklashadi, fuqarolarning o'zini o‘zi boshqarish organlarining faoliyatini yo'naltirib turadi, aholi muammolarini o'rganish, aniqlash va hal etish masalalari yuzasidan ular bilan o'zaro hamkorlik qiladi.
6-modda. Mahalliy Kengashning asosiy vakolatlariga:
hududlarni ijtimoiy-iqtisodiy rivojlantirish va aholini ijtimoiy himoya qilish dasturlarini, tuman, shaharning bosh rejasini hamda uni qurish qoidalarini tasdiqlash;
Toshkent shahar mahalliy byudjetini Toshkent shahar hokimining taqdimnomasiga binoan ko‘rib chiqish hamda qabul qilish, ularning ijro etilishi ustidan nazoratni amalga oshirish;
Toshkent shahrining shahar byudjeti daromadlarining prognozlarini ma’lumot uchun qabul qilish;
Toshkent shahrining shahar byudjetiga o‘zgartirishlar kiritish to‘g‘risidagi qarorlarni tasdiqlash;
tegishli byudjetlardan moliyalashtiriladigan hududiy byudjet mablag‘larini taqsimlovchilarning byudjet mablag‘laridan samarali foydalanilishi hamda erishilgan natijalar to‘g‘risidagi hisobotlarini eshitish;
Toshkent shahri mahalliy byudjetlarining tegishli davrdagi ijrosi to‘g‘risidagi hisobotlarni Toshkent shahar hokimining taqdimnomasiga binoan ko‘rib chiqish hamda tasdiqlash;
mahalliy soliqlar va boshqa majburiy to‘lovlarning stavkalarini qonunchilikda belgilangan miqdorlar doirasida belgilash;
hokimni va uning o‘rinbosarlarini lavozimga tasdiqlash, hokimni va uning o‘rinbosarlarini lavozimdan ozod etish, ularning faoliyatiga doir hisobotlarini, shuningdek, hokimning shahar ijtimoiy-iqtisodiy rivojlanishining eng muhim va dolzarb masalalari yuzasidan hisobotlarini eshitish;
O‘zbekiston Respublikasi Prezidentining Toshkent shahridagi Xalq qabulxonasining hududdagi davlat organlari va tashkilotlar rahbarlari faoliyati hamda murojaatlar bilan ishlash holati to‘g‘risidagi axborotini har chorakda eshitish;
yoshlar muammolarini o‘rganish, ularni hal etishga ko‘maklashish, yosh avlodning iste’dodi va qobiliyatini rivojlantirish uchun qo‘shimcha shart-sharoitlar yaratish choralarini ko‘rishga qaratilgan ishlar to‘g‘risida O‘zbekiston Respublikasi Yoshlar ishlari agentligi Toshkent shahar boshqarmasi rahbarining hisobotini har olti oyda eshitish;
O‘zbekiston Respublikasining “Mahalliy davlat hokimiyati to‘g‘risida”gi Qonunida nazarda tutilgan hollarda hokim qarorlarini tasdiqlash;
mahalliy Kengashning Ish tartibini, mahalliy Kengash doimiy va muvaqqat komissiyalari to‘g‘risidagi nizomlarni tasdiqlash, ularga o‘zgartirish va qo‘shimchalar kiritish;
mahalliy Kengashning doimiy va muvaqqat komissiyalarini, boshqa organlarini tuzish, saylash va tugatish, ularning tarkibini o‘zgartirish, ular ishiga doir hisobotlarni tinglash;
qonunchilikda belgilangan hollarda va tartibda xalq deputatlarining vakolatlarini e’tirof etish va muddatidan oldin to‘xtatish, ularni javobgarlikka tortish uchun rozilik berish;
zarurat bo‘lganda ijro etuvchi hokimiyat bo‘limlari, boshqarmalari, boshqa tarkibiy bo‘linmalari rahbarlarining hisobotlarini, shu jumladan qonunlarga rioya etilishi, mahalliy Kengash qarorlarining va doimiy komissiyalar tavsiyalarining bajarilishi yuzasidan hisobotlarini eshitish;
Toshkent shahar prokurorining faoliyati to‘g‘risidagi axborotini har yili eshitish;
Toshkent shahar Ichki ishlar bosh boshqarmasi rahbarining hisobotini eshitish;
Toshkent shahar Sog‘liqni saqlash bosh boshqarmasi rahbarining hisobotini eshitish;
Toshkent shahar adliya boshqarmasi boshlig‘ining axborotini eshitish;
Kengash so‘rovini yuborish to‘g‘risidagi taklifni ko‘rib chiqish, Kengash tekshiruvini o‘tkazish, deputatlarning so‘rovlarini yuborish va ular yuzasidan qarorlar qabul qilish;
Toshkent shahar hokimining mahalliy Kengashning qonunchilikka zid qarorlarini qayta ko‘rib chiqish to‘g‘risidagi taqdimnomasiga asosan mahalliy Kengash qarorini o‘zgartirish yoki bekor qilish;
Toshkent shahar hokimining va quyi Kengashning O‘zbekiston Respublikasi qonunchiligiga muvofiq bo‘lmagan qarorlarini bekor qilish;
Toshkent shahar hokimining taqdimiga binoan hokimlikning tuzilmasini, shtatlarini va uning xodimlari mehnatiga haq to‘lash fondini tasdiqlash kiradi.
Xalq deputatlari Toshkent shahar Kengashi:
Toshkent shahrining shahar byudjetidan tumanlar byudjetlariga ajratiladigan tartibga soluvchi byudjetlararo transfertlarning cheklangan miqdorlarini ko‘rib chiqadi hamda tasdiqlaydi;
jismoniy va yuridik shaxslarga tegishincha meros qilib qoldiriladigan umrbod egalik qilish, doimiy egalik qilish, doimiy foydalanish, muddatli (vaqtincha) foydalanish yoki ijara huquqi asosida tegishli bo‘lgan yer uchastkalarini yoki ularning qismlarini kompensatsiya evaziga jamoat ehtiyojlari uchun olib qo‘yish va olib qo‘yilgan yer uchastkalarida joylashgan ko‘chmas mulk obyektlarini qonunda belgilangan hollarda va tartibda buzib tashlash to‘g‘risida qarorlar qabul qiladi;
O‘zbekiston Respublikasi Oliy Majlisi Inson huquqlari bo‘yicha vakili (ombudsman) mintaqaviy vakilining inson huquqlari, erkinliklarini va qonuniy manfaatlarini himoya qilish holati to‘g‘risidagi ma’ruzasini har yili eshitadi;
O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) mintaqaviy vakilining tegishli hududda bola huquqlari, erkinliklarini va qonuniy manfaatlarini himoya qilish holati to‘g‘risidagi ma’ruzasini har yili eshitadi;
hududda mahalliy ahamiyatga molik monumental yodgorliklarni o‘rnatish va buzish (ko‘chirish) to‘g‘risida qarorlar qabul qiladi;
fuqarolarning huquqlari va qonuniy manfaatlari, ijtimoiy-iqtisodiy rivojlanishni ta’minlash, atrof-muhitni muhofaza qilish sohasidagi o‘z vakolatlari jumlasiga kiritilgan boshqa tashkiliy masalalarni va qonunchilikka muvofiq nazorat qilishga doir masalalarni hal etadi.
7-modda. Mahalliy Kengash berilgan vakolatlari doirasida umum manfaatini ifodalovchi tadbirlarni o‘tkazish maqsadida O‘zbekiston Respublikasining boshqa hududlaridagi davlat hokimiyati va boshqaruvi organlari bilan shartnomaviy munosabatlar o'rnatishga haqlidir.
8-modda. Mahalliy Kengash o‘z faoliyatini sessiyalar, doimiy komissiyalar va muvaqqat komissiyalar, mahalliy Kengashning boshqa organlari orqali, shuningdek deputatlarning O'zbekiston Respublikasi qonun hujjatlari va mahalliy Kengash reglamentida belgilangan tartibda o‘z vakolatlarini ro'yobga chiqarish yo'li bilan amalga oshiradi.
9-modda. Mahalliy Kengashning asosiy ish shakli sessiyadir.
Sessiya O'zbekiston Respublikasi qonun hujjatlari bilan mahalliy Kengash vakolatiga kiritilgan har qanday masalani ko'rib chiqishga haqli.
10-modda. Mahalliy Kengash sessiyalari mahalliy Kengash raisi tomonidan, u yo'qligida esa mahalliy Kengashga saylovda eng ko‘p deputatlik o'rinlarini olgan siyosiy partiyadan ilgari surilgan deputatlar tomonidan tashkil etilgan partiya guruhi rahbari tomonidan zaruratga qarab, har chorakda kamida bir marta chaqiriladi. Sessiya mahalliy Kengash deputatlari kamida uchdan ikki qismining tashabbusiga yoki hokimning taklifiga binoan ham chaqirilishi mumkin. Mahalliy Kengash sessiyasini chaqirish to'g'risidagi qarordan deputatlar sessiya ochilishidan kamida uch kun oldin xabardor qilinadi.
Yangi saylangan mahalliy Kengashning birinchi sessiyasi hokim tomonidan saylovdan keyin kechi bilan uch haftalik muddat ichida chaqiriladi. Mahalliy Kengashning birinchi sessiyasi Toshkent shahar Hududiy saylov komissiyasi raisi tomonidan ochiladi hamda u mahalliy Kengash raisi saylangunga qadar sessiyaga raislik qiladi.
Mahalliy Kengash sessiyalarida rais, u yo‘qligida esa mahalliy Kengashga saylovda eng ko‘p deputatlik o‘rinlarini olgan siyosiy partiyadan ilgari surilgan deputatlar tomonidan tashkil etilgan partiya guruhi rahbari raislik qiladi.
Agar bir nechta siyosiy partiya teng miqdordagi eng ko‘p deputatlik o‘rinlarini egallasa, ularning o‘zaro kelishuviga ko‘ra tegishli partiyaning rahbari raislik qiladi.
Mahalliy Kengash sessiyalarida prezidium tashkil qilinadi. Prezidiumga qoida tariqasida mahalliy Kengash raisi, shuningdek hokim joylashtiriladi.
Yangi saylangan mahalliy Kengashning birinchi sessiyasi o‘tkazilgan kundan boshlab bir oydan kechiktirmay mahalliy Kengashning organlari tuziladi.
11-modda. Sessiya kun tartibi mahalliy Kengash raisi, partiyalar guruhlari, doimiy komissiyalar va deputatlar tomonidan bildirilgan takliflarni inobatga olgan holda tayyorlanadi.
Sessiya muhokamasiga kiritilayotgan eng muhim va dolzarb ahamiyatga ega masalalarni tayyorlash uchun mahalliy Kengash raisi tomonidan tegishli tarmoqlar mutaxassislari hamda ekspertlarini jalb etgan holda ishchi guruh tashkil etilishi mumkin. Ishchi guruh masalani tayyorlash vaqtida saylovchilar, hokimlikning bo'limlari, boshqarmalari va boshqa tarkibiy bo'linmalari, shuningdek hududdagi korxonalar, tashkilotlar, muassasalar, nodavlat notijorat tashkilotlari, fuqarolarning o'zini o‘zi boshqarish organlarining fikr-mulohazalarini inobatga oladi.
Sessiya muhokamasiga kiritilayotgan masalalar dastlabki tarzda tegishli doimiy komissiyalar tomonidan ko'rib chiqiladi, ular tomonidan tayyorlangan qaror loyihalari va kun tartibi bo'yicha boshqa hujjatlar mahalliy Kengash raisiga hamda mahalliy Kengash kotibiyati mudiriga beriladi.
Sessiyada ko'rib chiqilishi kerak bo'lgan masalalar sessiya kun tartibi loyihasiga ularni ko'rib chiqish navbati, har bir masalani ko'rib chiqish uchun tayyorlashga mas'ul bo'lgan doimiy komissiyalar, ma'ruzachilar (qo'shimcha ma'ruzachilar), shuningdek boshqa ma'lumotlar kiritilgan holda tuziladi.
Sessiya kun tartibi mahalliy Kengash qarori bilan tasdiqlanadi.
12-modda. Sessiyani, shu jumladan navbatdan tashqari sessiyani chaqirish haqidagi qaror mahalliy Kengash raisi tomonidan qabul qilinadi.
Sessiya o'tkaziladigan vaqt, sana, joy va kun tartibi deputatlar e'tiboriga sessiya ochilishidan kamida uch kun oldin yetkaziladi. Deputatlarga tanishib chiqish uchun tegishli hujjatlar ham yuboriladi.
Sessiyani chaqirish to'g'risidagi xabar ommaviy axborot vositalari orqali e'lon qilinishi mumkin.
Sessiyalar ochiq, oshkora o'tkaziladi va ommaviy axborot vositalari tomonidan yoritiladi.
Zarur hollarda mahalliy Kengash raisi, doimiy komissiyalar, partiyalar guruhlarining taklifi asosida mahalliy Kengash yopiq sessiya o'tkazish to'g'risida qaror qabul qilishi mumkin. Yopiq sessiya o'tkazish to'g'risidagi qaror deputatlar umumiy sonining kamida uchdan ikki qismining ovozi bilan qabul qilinadi.
Sessiyalar axborot-kommunikatsiya texnologiyalari vositalaridan foydalangan holda videokonferensaloqa rejimida o'tkazilishi ham mumkin.
Bunda deputatlar joylardan turib jamoaviy yoki yakka tartibda ishtirok etishlari mumkin.
Videokonferensaloqa rejimida o'tkaziladigan sessiyani olib borish, kun tartibidagi masalalarni ko'rib chiqish va qarorlar qabul qilish mahalliy Kengash reglamentida belgilangan umumiy tartibda amalga oshiriladi.
Sessiya videokonferensaloqa rejimida o'tkazilganda ovozlarni hisoblash va ovoz berish natijalarini aniqlash bilan bog'liq masalalarni hal etish uchun deputatlar orasidan sanoq komissiyasi tuziladi.
Videokonferensaloqa rejimida o'tkaziladigan sessiyalarda ovoz berish quyidagi tartibda amalga oshiriladi:
sessiyada raislik qiluvchi tomonidan masala ovozga qo'yilganligi e'lon qilinadi;
markaziy studiyada hozir bo'lgan, jamoaviy va yakka tartibda ulanish nuqtasidan ishtirok etayotgan deputatlar qo'llarini ko'tarib ovoz beradilar, ovoz berish elektron tizim orqali ham amalga oshirilishi mumkin;
raislik qiluvchi “qarshilar” bormi, “betaraflar” bormi degan savollar bilan murojaat qiladi, deputatlar bu savollarga ham qo'llarini ko'tarib javob beradilar;
sessiyada ishtirok etayotgan barcha deputatlar tasviri ekranga chiqariladi, ovoz berish jarayonida barcha deputatlar ko'rinib turishi shart;
ovoz berish natijasi sanoq komissiyasi tomonidan qayd etib boriladi;
sessiyada ishtirok etayotgan barcha deputatlar ovoz berib bo'lganidan so'ng sanoq komissiyasi tomonidan raislik qiluvchiga ovoz berish natijalari to'g'risida ma'lumot beriladi;
raislik qiluvchi ovoz berish natijalarini e'lon qiladi.
13-modda. Agar sessiyada deputatlar umumiy sonining kamida uchdan ikki qismi hozir bo'lsa, u vakolatli hisoblanadi.
Deputatlarni ro'yxatga olish sessiya ochilishidan oldin va uning ishidagi har bir tanaffusdan keyin amalga oshiriladi.
Agar sessiyalarni o'tkazishga mo'ljallangan binoda elektron ovoz berish tizimidan foydalanish ko'zda tutilgan bo'lsa, har bir deputat uchun doimiy o'rin ajratiladi.
14-modda. Sessiyalar ishi davlat tilida olib boriladi va zarurat bo'lganda mahalliy Kengashning qarori asosida boshqa tillarga sinxron tarjima ta'minlanadi.
15-modda. Sessiyalarda O'zbekiston Respublikasi Oliy Majlisi Senatining a'zolari, O'zbekiston Respublikasi Oliy Majlisi Qonunchilik palatasining deputatlari, quyi mahalliy Kengash deputatlari, shuningdek hududdagi davlat organlari, korxonalar, tashkilotlar, muassasalar, nodavlat notijorat tashkilotlari, fuqarolarning o'zini o‘zi boshqarish organlari, ommaviy axborot vositalarining taklif etilgan vakillari hamda boshqa shaxslar ishtirok etishlari mumkin.
Sessiyaga taklif etilgan shaxslar muhokama etilayotgan masalalar yuzasidan qaror qabul qilishda ovoz berish huquqiga ega emas, shuningdek mahalliy Kengashning reglamentida belgilangan tartibga rioya qilishlari va raislik qiluvchining farmoyishlariga bo'ysunishlari shart.
Sessiyaga taklif qilinadigan shaxslarning soni va tarkibi mahalliy Kengash raisi tomonidan hal etiladi.
Sessiyada raislik qiluvchi sessiyada ishtirok etayotgan deputatlar soni, taklif etilgan shaxslar tarkibi to'g'risida deputatlarga axborot beradi.
Sessiyaga taklif qilingan shaxslar uchun majlislar zalida maxsus joylar ajratiladi.
16-modda. Deputatlarning vakolatlarini tasdiqlash to‘g‘risidagi qaror yangi saylangan mahalliy Kengashning birinchi sessiyasida saylovni o‘tkazgan saylov komissiyasining taqdimiga muvofiq qabul qilinadi.
Bo'shab qolgan deputatlik o'rniga saylov o'tkazilganida deputatning vakolatini tasdiqlash to'g'risidagi qaror sessiyada saylov komissiyasining taqdimiga muvofiq qabul qilinadi.
17-modda. Sessiya o‘z ishini kun tartibini tasdiqlashdan boshlaydi.
Sessiya kun tartibidagi masalalar raislik qiluvchi tomonidan bandma-band yoki butunlay ovozga qo'yilishi mumkin.
Sessiyaning kun tartibi bo'yicha taklif va mulohazalar deputatlar tomonidan og'zaki yoki yozma shaklda beriladi va sessiyada raislik qiluvchi tomonidan ularning kelib tushish tartibi bo'yicha e'lon qilinadi.
Sessiya kun tartibi bo'yicha qaror deputatlar bildirgan takliflarni hisobga olgan holda qabul qilinadi.
18-modda. Har bir sessiyani o‘tkazish vaqtida deputatlar orasidan sessiya kotibi saylanadi yoki sessiya kotibiyati tuziladi.
Sessiya kotibi yoki kotibiyati:
so‘zga chiquvchilarning ro‘yxatini olib boradi;
deputat so‘rovlarini, deputatlardan tushadigan savollar, ma’lumotnomalar, xabarlar, arizalar, takliflar va boshqa materiallarni ro‘yxatga oladi;
so‘zga chiqish uchun yozilganlarning ro‘yxati va tushgan materiallar haqida raislik qiluvchiga axborot beradi;
sessiya ishiga taalluqli masalalar yuzasidan deputatlarga tushuntirishlar beradi;
sessiya yakunlari yuzasidan axborot tayyorlaydi;
bayonnoma yoki stenogramma yuritilishini tashkil etadi.
Sessiyada sessiya kotibi yoki kotibiyati tomonidan tayyorlangan axborot tinglanadi.
19-modda. Sessiyada bayonnoma yuritiladi. Sessiya bayonnomasi raislik qiluvchi va kotib tomonidan imzolanadi.
Sessiya bayonnomasida quyidagilar ko'rsatiladi:
mahalliy Kengashning nomi, sessiyaning tartib raqami (chaqiriq doirasida);
sessiyani o'tkazish vaqti, sanasi va joyi;
hozir bo'lgan va qatnashmayotgan deputatlar soni, shuningdek taklif etilgan shaxslarning soni;
sessiya kun tartibi, sessiya muhokamasiga kiritilgan har bir masala yuzasidan
har bir ma'ruzachi va qo'shimcha ma'ruzachining ism-familiyasi hamda lavozimi;
muzokaralarda so'zga chiqqan, shuningdek ma'ruzachilar va qo'shimcha ma'ruzachilarga so'rovlar yo'llagan yoki savollar bergan (yozma yoki og'zaki shaklda) deputatlarning ism-familiyalari va saylov okruglarining raqami;
qabul qilingan, “yoqlayman”, “qarshiman” yoki “betarafman” deb berilgan ovozlar soni ko'rsatilgan qarorlar ro'yxati.
Bayonnomada sessiya kun tartibiga qo'yilgan masalalarning mohiyati ochib beriladi, sessiya davomida so'zlangan nutqlarning mohiyati qisqacha bayon etiladi, shuningdek sessiya kun tartibidagi masalalar yuzasidan ovoz berish yakunlari qayd etiladi.
Sessiyaning bayonnomasiga deputatlar va taklif etilgan shaxslarning sessiyadagi ma'ruzalari matnlari, sessiyada hozir bo'lgan va qatnashmayotgan deputatlar ro'yxati, taklif etilgan shaxslar ro'yxati va boshqa materiallar ilova qilinadi.
Sessiya bayonnomasi sessiya tugaganidan so'ng uch kundan kechiktirmay tayyorlanadi va sessiyaga raislik qiluvchi shaxs hamda kotib tomonidan imzolanadi.
Sessiya jarayoni audio, video shaklda yozib olinishi yoki stenogrammasi yuritilishi mumkin.
Sessiya bayonnomasining asl nusxasi, audio, video yozuvlari, stenogrammasi mahalliy Kengash kotibiyatida saqlanadi.
Sessiya bayonnomasi, audio, video yozuvlari, stenogrammasi deputatlarning talabiga binoan tanishib chiqish uchun ularga berilishi mumkin.
Yopiq sessiya bayonnomasi, audio, video yozuvlari, stenogrammasi mahalliy Kengash kotibiyatida “maxfiy hujjat” belgisi bilan saqlanadi. Yopiq sessiya bayonnomasi unga taalluqli materiallar bilan deputatlarni tanishtirish bevosita mahalliy Kengash kotibiyatida tilxat olinib amalga oshiriladi.
20-modda. Sessiyada raislik qiluvchi:
sessiya ishining umumiy borishiga rahbarlik qiladi, mahalliy Kengash reglamentiga rioya etilishini ta'minlaydi;
ma'ruzachilar, qo'shimcha ma'ruzachilar va muzokaralarda so'zga chiquvchilarga navbati bilan so‘z beradi;
zarur hollarda sababini tushuntirib, so'zga chiqish tartibini o'zgartiradi;
muhokama qilinayotgan masala yuzasidan xohlagan paytda so'zga chiqishi mumkin;
mahalliy Kengash reglamentida belgilangan tartibni qo'pol ravishda buzgan deputat yoki ishtirokchini tartibga chaqiradi;
deputatlarning yozma so'rovlari, arizalari, takliflari, fikr-mulohazalarini o'qib eshittiradi;
deputatga deputat so'rovi, savol, taklif, fikr-mulohaza yuzasidan so'zga chiqish, shuningdek sessiyani olib borish tartibi bo'yicha e'tirozlar bildirish uchun, qaror loyihalariga tuzatish, ovoz berish masalasi bo'yicha takliflar kiritish uchun uning iltimosiga ko'ra so‘z beradi;
muhokama tugaganidan keyin qarorlar loyihalarini ovozga qo'yadi va ovoz berish natijalarini e'lon qiladi;
sessiyada qabul qilingan qarorlarni va sessiya bayonnomalarini imzolaydi;
muhokama jarayonida so'zga chiqqan deputatlar yoki boshqa ishtirokchilar fikrini biror-bir tarzda baholash yoxud sharhlashdan, shuningdek qaror qabul qilishda tazyiq o'tkazishdan o'zini tiyishi lozim.
Sessiyada raislik qiluvchi:
mahalliy Kengash reglamenti talablari qo'pol ravishda buzilgan taqdirda deputatni ogohlantirishga, takroran buzishga yo‘l qo'yilganida esa uni butun sessiya kuni davomida so'zdan mahrum qilishga;
sessiya ishiga xalaqit berayotgan taklif qilingan shaxslarni sessiya zalidan chiqarib yuborishga haqli.
21-modda. Hududni ijtimoiy-iqtisodiy rivojlantirish masalalarini va eng muhim muammolarni muhokama etish maqsadida O'zbekiston Respublikasi Oliy Majlisi Senati qo'mitalari (komissiyalari) va mahalliy Kengashning qo'shma majlisi o'tkazilishi mumkin.
O'zbekiston Respublikasi Oliy Majlisi Senatining qo'mitasi (komissiyasi) va mahalliy Kengashning qo'shma majlisi O'zbekiston Respublikasi Oliy Majlisi Senati qo'mitasi (komissiyasi)ning raisi va mahalliy Kengash raisi o'rtasida kelishuv bo'yicha o'tkaziladi.
O'zbekiston Respublikasi Oliy Majlisi Senatining qo'mitasi (komissiyasi) va mahalliy Kengashning qo'shma majlisi kun tartibidagi masalalar O'zbekiston Respublikasi Oliy Majlisi Senatining qo'mitasi (komissiyasi) tomonidan mahalliy Kengashning tegishli doimiy komissiyasi bilan hamkorlikda tayyorlanadi.
O'zbekiston Respublikasi Oliy Majlisi Senatining qo'mitasi (komissiyasi) va mahalliy Kengashning qo'shma majlisini chaqirish, uni o'tkazish vaqti, sanasi, joyi va boshqa masalalar mahalliy Kengash reglamentiga muvofiq O'zbekiston Respublikasi Oliy Majlisi Senati qo'mitasi (komissiyasi)ning raisi va mahalliy Kengash raisi o'rtasida kelishuv bo'yicha hal etiladi.
22-modda. Mahalliy Kengash o‘z sessiyalarida vakolatlari doirasida qonuniylik va huquqiy-tartibotni, fuqarolarning xavfsizligini ta'minlash, hududni iqtisodiy, ijtimoiy va madaniy rivojlantirish, mahalliy byudjetni shakllantirish hamda uni ijro etish, mahalliy soliq va boshqa majburiy to'lovlar miqdorlarini belgilash, atrof-muhitni muhofaza qilish va qonun hujjatlariga muvofiq boshqa masalalarni ko'rib chiqadi hamda tegishli qarorlarni qabul qiladi.
23-modda. Sessiya muhokamasiga kiritilgan kun tartibidagi har bir masala, jumladan mahalliy byudjet to'g'risidagi va uning ijrosi haqidagi hisobot, hokim, uning o'rinbosarlari, hokimlik bo'limlari, boshqarmalari va boshqa tarkibiy bo'linmalari faoliyati haqidagi hisobotlar tinglanadi hamda erkin muhokama qilinadi.
Muhokama jarayoni mazkur masala yuzasidan mahalliy Kengash raisi, doimiy komissiyalar raislarining ma'ruzalari va qo'shimcha ma'ruzalarini, deputatlarning ma'ruzalari va qo'shimcha ma'ruzalarini eshitish, shuningdek taklif etilgan shaxslarning fikr bildirishi shaklida amalga oshiriladi.
Ayrim hollarda muhokama etilayotgan masalaning mazmunini hisobga olgan holda, sessiya mazkur masalaning mazmuniga doir qisqacha axborotni eshitib yoki doimiy komissiyalar raislari yoxud deputatlarning tushuntirishlari bilan cheklanib, uni muhokama etmasdan qaror qabul qilishi mumkin.
24-modda. Sessiyada raislik qiluvchi tomonidan ma'ruzachilar va qo'shimcha ma'ruzachilar bilan kelishuvga ko'ra, qoida tariqasida, ma'ruza uchun - 30 daqiqagacha, qo'shimcha ma'ruza uchun - 20 daqiqagacha va yakunlovchi so‘z uchun 15 daqiqagacha vaqt belgilanadi.
Muzokaralarda so‘zga chiquvchi deputatlarga 10 daqiqagacha vaqt beriladi. Muzokaralarda takroran so‘zga chiqish uchun, shuningdek sessiya ishini olib borish tartibi, ovoz berish asoslari, nomzodlar bo‘yicha so‘zga chiqish uchun, arizalar, savollar, takliflar, xabarlar, ma'lumotlar uchun 3 daqiqagacha vaqt beriladi.
Sessiyada hozir bo'lgan deputatlar ko'pchiligining roziligi bilan raislik qiluvchi sessiya kun tartibiga kiritilgan masalani muhokama qilishning umumiy vaqtini, savollar va javoblar uchun ajratiladigan vaqtni belgilab qo'yishi, so'zlash vaqtini uzaytirishi mumkin.
Sessiyalarda deputat ayni bir masala bo‘yicha muzokaralarda ko‘pi bilan ikki marta so‘zga chiqishi mumkin.
Muzokaralarni to‘xtatish to‘g‘risida qaror qabul qilingandan keyin ma’ruzachi va qo‘shimcha ma’ruzachi yakunlovchi so‘zni aytish huquqiga ega.
Agar so‘zga chiquvchi ajratilgan vaqtdan ortiq so‘zlasa yoki muhokama etilayotgan masala yuzasidan fikr bildirmayotgan bo‘lsa, sessiyada raislik qiluvchi uni avval ogohlantirib, keyin so‘zdan mahrum qiladi.
Sessiya o‘tkazilayotgan vaqtda tartibsizliklar va turli noqonuniy chaqiriqlar yangraganda raislik qiluvchi sessiyani to‘xtatishi mumkin.
Mahalliy Kengash sessiyalarida tartibni ta’minlashda ichki ishlar yoki milliy gvardiya organlari yordamidan foydalanish mumkin.
25-modda. Sessiyada qarorlar ochiq ovoz berish yo'li bilan qabul qilinadi. Zarur hollarda mahalliy Kengash qaroriga asosan yashirin ovoz berish o'tkazilishi mumkin.
Elektron ovoz berish tizimlari o'rnatilgan zallarda ochiq yoki yashirin ovoz berish elektron ovoz berish tizimidan foydalangan holda o'tkaziladi.
26-modda. Deputat o'zining ovoz berish huquqini shaxsan amalga oshiradi.
Har bir deputat bir ovozga ega bo'ladi va muhokama qilinayotgan masala yuzasidan “yoqlayman”, “qarshiman” yoki “betarafman” deb ovoz beradi.
Ovoz berish vaqtida hozir bo‘lmagan deputat keyinchalik ovoz berishga haqli emas.
Ochiq ovoz berish ovozlar mutlaq ko'pchilikni tashkil etgan taqdirda ovozlarni sanamasdan, agar faqat deputatlardan hech biri boshqacha tartibni taklif etmasa yoki ovozlarni qayta sanab chiqishni talab qilmasa, o'tkazilishi mumkin.
27-modda. Sessiyalarda yashirin ovoz berishni o'tkazish va uning natijalarini hisoblash uchun deputatlar orasidan sanoq komissiyasi saylanadi.
Sanoq komissiyasi o‘z tarkibidan komissiya raisi va kotibini saylaydi. Sanoq komissiyasining qarorlari komissiya a'zolarining ko'pchilik ovozi bilan qabul qilinadi.
28-modda. Sessiyada yashirin ovoz berishni bulletenlardan foydalangan holda o'tkazish to'g'risida qaror qabul qilingan taqdirda, ovoz berish uchun zarur axborotga ega bo'lgan yashirin ovoz berish byulletenlari sanoq komissiyasi nazorati ostida tayyorlanadi.
Yashirin ovoz berish o'tkaziladigan vaqti va joyi, uni o'tkazish tartibi sanoq komissiyasi tomonidan belgilanadi.
29-modda. Yashirin ovoz berish byulletenlar yordamida o'tkazilganida sanoq komissiyasi har bir deputatga bittadan byulleten beradi.
Byulletenni to'ldirish deputat tomonidan yashirin ovoz berish kabinasida yoki xonasida byulletendagi o‘zi yoqlab ovoz berayotgan nomzod familiyasining qarshisida o‘ng tomonda joylashgan bo'sh katakka “+” yoki “•/” yoxud “x” qo'yish, qaror loyihasiga oid byulletenda esa, agar u tegishli qarorni yoqlab ovoz berayotgan bo'lsa, “qarshiman” degan so'zni o'chirish, taklif etilayotgan qarorga (qaror variantiga) qarshi ovoz berayotgan bo'lsa, “yoqlayman” degan so'zni o'chirish orqali amalga oshiriladi.
Belgilanmagan shakldagi byulletenlar, shuningdek deputatlarning xohish-irodasini aniqlashga imkon bermagan byulletenlar deputatlarning ovozlarini hisoblab chiqish vaqtida haqiqiy emas deb topiladi. Byulletenga kiritilgan qo'shimchalar ovozlarni hisoblab chiqish vaqtida e'tiborga olinmaydi.
30-modda. Agar sessiyada elektron ovoz berish tizimi yordamida yashirin ovoz berishni o'tkazish to'g'risida qaror qabul qilingan bo'lsa, sanoq komissiyasi ovoz berish boshlanishidan oldin elektron tizimning sozligini tekshirishi hamda yashirin ovoz berish uchun deputatlar umumiy soni bo'yicha kartochkalarning to'liq komplektini ro'yxatga olishi kerak.
31-modda. Ochiq yoki yashirin ovoz berish natijalari to'g'risida sanoq komissiyasi bayonnoma tuzadi, u komissiyaning barcha a'zolari tomonidan imzolanadi.
Sanoq komissiyasining ma'ruzasiga asosan mahalliy Kengash yashirin ovoz berish natijalarini tasdiqlash to'g'risida ochiq ovoz berish yo'li bilan qaror qabul qiladi.
32-modda. Mahalliy Kengash qarorlari, bundan normativ-huquqiy tusga ega bo‘lmagan hujjatlar mustasno, agar shu hujjatning o‘zida boshqacha qoida belgilanmagan bo‘lsa, Mahalliy davlat hokimiyati organlarining qarorlarini ishlab chiqish, kelishish va ro‘yxatdan o‘tkazishning yagona elektron tizimida ro‘yxatdan o‘tkazilgan paytdan e’tiboran kuchga kiradi.
Mahalliy Kengashning normativ-huquqiy tusdagi hujjatlari, agar hujjatlarning o‘zida kechroq muddat ko‘rsatilmagan bo‘lsa, rasmiy e’lon qilingan kundan e’tiboran kuchga kiradi.
Mahalliy Kengashning Mahalliy davlat hokimiyati organlarining qarorlarini ishlab chiqish, kelishish va ro‘yxatdan o‘tkazishning yagona elektron tizimida ro‘yxatdan o‘tkazilmagan hujjatlari tegishli ijtimoiy munosabatlarni huquqiy jihatdan tartibga solish uchun asos bo‘lib xizmat qilishi mumkin emas va huquqiy oqibatlarga olib kelmaydi, bundan qonunda nazarda tutilgan hollar mustasno.
Mahalliy Kengash tomonidan o‘z vakolatlari doirasida qabul qilgan hujjatlar Toshkent shahar hududida joylashgan barcha davlat organlari, tashkilotlar, muassasalar, nodavlat notijorat tashkilotlari, fuqarolarning o'zini o‘zi boshqarish organlari, mansabdor shaxslar va fuqarolar tomonidan ijro etilishi majburiydir.
Mahalliy Kengash qarorlari uning doimiy komissiyalariga, hokimlikning bo'limlari, boshqarmalari va boshqa tarkibiy bo'linmalariga, tegishli davlat organlariga, korxonalar, tashkilotlar, muassasalarga, nodavlat notijorat tashkilotlariga, fuqarolarning o'zini o‘zi boshqarish organlariga, mansabdor shaxslarga va quyi turuvchi hokimliklarga tarqatiladi.
Sessiyada qabul qilingan qarorlar, qoida tariqasida, ommaviy axborot vositalarida e'lon qilinadi, mahalliy Kengashning rasmiy veb-saytiga joylashtiriladi (yopiq qarorlar bundan mustasno).
33-modda. Mahalliy Kengashning birinchi sessiyasi mahalliy Kengash raisini saylashdan boshlanadi.
Mahalliy Kengash raisini saylash uchun deputatlar orasidan mahalliy Kengashga saylovda ishtirok etgan har bir siyosiy partiya deputatlaridan iborat siyosiy partiyalar vakillari guruhi tuziladi.
Siyosiy partiyalar vakillari guruhiga har bir partiyadan bir nafardan vakil kiritiladi.
Siyosiy partiyalar vakillari guruhining tarkibi to‘g‘risidagi qaror deputatlar umumiy sonining ko‘pchilik ovozi bilan qabul qilinadi.
34-modda. Siyosiy partiyalar vakillari guruhining majlisida mahalliy Kengashga saylovda eng ko‘p deputatlik o‘rinlarini olgan siyosiy partiyaning vakili raislik qiladi.
Mahalliy Kengash raisligiga nomzodlar deputatlar orasidan siyosiy partiyalar vakillari guruhi tavsiyasi asosida shakllantiriladi.
35-modda. Mahalliy Kengash raisi lavozimiga nomzodga deputatlarning savollariga javob berish uchun 25 daqiqagacha vaqt ajratiladi. Nomzodni sessiyada muhokama qilish uchun 15 daqiqagacha vaqt ajratiladi.
36-modda. Ayni bir shaxs bir vaqtning o‘zida boshqa viloyat, tuman, shahar mahalliy Kengashining raisligiga saylanishi mumkin emas.
Mahalliy Kengash raisligiga nomzodlar, agar ular ovoz berish natijasida Kengash deputatlari umumiy sonining ko‘pchilik ovozini olgan bo‘lsa, saylangan hisoblanadi.
Mahalliy Kengash raisi saylanganligi to‘g‘risida qaror qabul qilinadi, uni mahalliy Kengash sessiyasida raislik qiluvchi imzolaydi.
37-modda. Agar ovoz berish vaqtida mahalliy Kengash raisligi uchun taqdim etilgan nomzodlar deputatlar umumiy sonining ko‘pchilik ovozini ololmasa, siyosiy partiyalar vakillari guruhi bir oy ichida yana ikki marotaba deputatlar orasidan nomzod taqdim etish huquqiga ega.
38-modda. Mahalliy Kengash raisi ovoz berish orqali mahalliy Kengash deputatlari umumiy sonining uchdan ikki qismidan ko‘prog‘ining ovozi bilan qabul qilingan mahalliy Kengash qaroriga binoan muddatidan ilgari lavozimidan ozod qilinishi mumkin.
Mahalliy Kengash raisini muddatidan ilgari lavozimidan ozod qilish to‘g‘risidagi masala mahalliy Kengash deputatlari umumiy sonining kamida uchdan bir qismidan iborat deputatlar guruhining taklifiga binoan mahalliy Kengash tomonidan ko‘rib chiqiladi.
Mahalliy Kengash raisini muddatidan ilgari lavozimidan ozod qilish to‘g‘risidagi masala ko‘rib chiqilayotganda sessiyada mahalliy Kengashning doimiy komissiyalari raislaridan biri raislik qiladi.
Mahalliy Kengash raisini muddatidan ilgari lavozimidan ozod qilish to‘g‘risida qaror qabul qilinadi, qaror mahalliy Kengash sessiyasida raislik qiluvchi tomonidan imzolanadi.
39-modda. Toshkent shahar hokimining nomzodi O‘zbekiston Respublikasi Prezidenti tomonidan mahalliy Kengashdagi partiya guruhlarining har biri bilan maslahatlashuvlar o‘tkazilganidan so‘ng mahalliy Kengashga tasdiqlash uchun taqdim etiladi.
40-modda. Toshkent shahar hokimining nomzodini tasdiqlash to‘g‘risidagi masalani mahalliy Kengash O‘zbekiston Respublikasi Prezidenti tomonidan taqdimnoma kiritilgan kundan e’tiboran uch kun ichida ko‘rib chiqadi.
41-modda. Toshkent shahar hokimi lavozimiga nomzod mahalliy Kengashda uning nomzodi ko‘rib chiqilayotganda hududni ijtimoiy-iqtisodiy rivojlantirishning istiqbolga mo‘ljallangan dasturini taqdim etadi.
Toshkent shahar hokimi lavozimiga nomzodga deputatlarning savollariga javob berish uchun 30 daqiqagacha vaqt ajratiladi. Nomzodni sessiyada muhokama qilish uchun 20 daqiqagacha vaqt ajratiladi.
42-modda. Mahalliy Kengashning Toshkent shahar hokimi nomzodini tasdiqlash yoki rad etish to‘g‘risidagi qarori ochiq ovoz berish yo‘li bilan qabul qilinib, kechi bilan uch kun ichida O‘zbekiston Respublikasi Prezidentiga yuboriladi.
43-modda. Mahalliy Kengash deputatlari umumiy sonining ko‘pchilik ovozini olgan Toshkent shahar hokimining nomzodi tasdiqlangan hisoblanadi.
44-modda. Agar ovoz berish vaqtida Toshkent shahar hokimining nomzodlari deputatlar umumiy sonining ko‘pchilik ovozini ololmasa, O‘zbekiston Respublikasi Prezidenti mazkur lavozimga nomzodlarni partiya guruhlari bilan qo‘shimcha maslahatlashuvlar o‘tkazganidan so‘ng bir oy ichida yana ikki marta taqdim etish huquqiga ega.
45-modda. Mahalliy Kengash taqdim etilgan Toshkent shahar hokimining nomzodlarini uch marta rad etgan taqdirda, O‘zbekiston Respublikasi Prezidenti Toshkent shahar hokimi vazifasini bajaruvchini tayinlash, mahalliy Kengashni tarqatib yuborish huquqiga ega. Bunda mahalliy Kengashga saylov tarqatib yuborish to‘g‘risida qaror qabul qilingan kundan e’tiboran uch oy ichida o‘tkaziladi.
46-modda. O‘zbekiston Respublikasi Oliy Majlisi Senatining a’zolari (bundan buyon matnda Senat a’zolari deb yuritiladi) xalq deputatlari Toshkent shahar va tuman Kengashlari deputatlarining qo‘shma majlislarida Toshkent shahridan to‘rt kishidan mazkur deputatlar orasidan yashirin ovoz berish yo‘li bilan saylanadi.
47-modda. O‘zbekiston Respublikasi Markaziy saylov komissiyasi (bundan buyon matnda Markaziy saylov komissiyasi deb yuritiladi) xalq deputatlari Toshkent shahar va tuman Kengashlariga saylov yakunlari e’lon qilinganidan keyin uch kunlik muddatda Senat a’zolarini saylash uchun deputatlarning qo‘shma majlislari (bundan buyon matnda qo‘shma majlis deb yuritiladi) o‘tkazilishini e’lon qiladi.
Markaziy saylov komissiyasining Toshkent shahrida qo'shma majlislarni o'tkazish vaqti, sanasi va joyi ko'rsatilgan qarori ommaviy axborot vositalarida e'lon qilinadi.
48-modda. Qo'shma majlis ochilishi oldidan mahalliy Kengashlar deputatlari ro'yxatdan o'tkaziladi.
Agar qo'shma majlisda, deputatlar umumiy sonining kamida uchdan ikki qismi hozir bo'lsa, u vakolatli hisoblanadi.
49-modda. Qo'shma majlisni Markaziy saylov komissiyasining vakili ochadi. U majlisda raislik qiluvchining nomzodi bo'yicha taklif kiritadi, bu nomzod eng obro'li, katta tajribaga ega, yoshi ulug' deputatlar orasidan tanlab olinadi.
Qo'shma majlis ishtirokchilari majlisning kun tartibini va reglamentini tasdiqlaydilar.
Qo'shma majlis kun tartibiga Senat a'zolarini saylash to'g'risidagi masala kiritiladi.
50-modda. Qo'shma majlis ishini olib borish uchun ochiq ovoz berish orqali oddiy ko'pchilik ovoz bilan uch kishidan besh kishigacha bo'lgan ishchi hay'at tuziladi. Xalq deputatlari Toshkent shahar va tuman Kengashlar deputatlari orasidan hay'at a'zoligiga nomzodlar raislik qiluvchi tomonidan taklif etiladi.
51-modda. Kelib tushgan takliflarni hisobga olish va qo'shma majlis tomonidan qabul qilinadigan qarorlarni rasmiylashtirish uchun uch kishidan iborat kotibiyat tuziladi.
52-modda. Qo'shma majlisda raislik qiluvchi taqdimiga muvofiq ochiq ovoz berish orqali oddiy ko'pchilik ovoz bilan Senat a'zoligiga nomzodlar ko'rsatish bo'yicha Maslahat kengashi (bundan buyon matnda Maslahat kengashi deb yuritiladi) saylanadi.
Maslahat kengashi deputatlik faoliyatida katta tajribaga ega bo'lgan eng obro'li, yoshi ulug' deputatlardan, qoida tariqasida, xalq deputatlari Toshkent shahar va tuman Kengashlaridan bir nafar vakildan saylanadi.
53-modda. Maslahat kengashi eng obro'li, o‘z saylovchilari tomonidan keng qo'llab-quvvatlanayotgan, davlat va jamiyat faoliyatining turli sohalarida katta amaliy tajribaga ega bo'lgan hamda alohida xizmat ko'rsatgan deputatlar orasidan Senat a'zoligiga nomzodlarni ko'rib chiqadi.
Yashirin ovoz berish byulleteniga kiritish uchun Senat a'zoligiga to'rt nafar nomzod bo'yicha Maslahat kengashining taklifi Maslahat kengashi raisi tomonidan o'qib eshittiriladi. Yashirin ovoz berish byulleteniga to'rt nafar Senat a'zoligiga nomzod kiritiladi.
54-modda. Saylov kuniga qadar yigirma besh yoshga to'lgan va kamida besh yil O'zbekiston Respublikasi hududida muqim yashayotgan xalq deputatlari Toshkent shahar va tuman Kengashlarining deputati Senat a'zoligiga nomzod bo'lishi mumkin.
55-modda. Qo'shma majlisda Senat a'zoligiga har bir nomzod bo'yicha alohida muhokama o'tkaziladi.
Qo'shma majlisda ishtirok etayotgan har bir deputat Senat a'zoligiga nomzodga savollar berish, nomzod xususida o‘z fikrini bildirish huquqiga ega.
Senat a'zoligiga har bir nomzod bo'yicha alohida muhokamadan keyin uni yashirin ovoz berish byulleteniga kiritish to'g'risida qaror qabul qilinadi.
Taklif etilgan u yoki bu nomzodlar rad etilgan taqdirda, muhokama etish va yashirin ovoz berish byulleteniga kiritish uchun boshqa nomzodni faqat Maslahat kengashi ko'rsatishi mumkin.
Senat a'zoligiga nomzodlarni muhokama qilish qo'shma majlis qaroriga binoan tugallanadi.
Qo'shma majlisda ishtirok etayotgan deputatlarning ko'pchilik ovozini olgan Senat a'zoligiga nomzod yashirin ovoz berish byulleteniga kiritilgan hisoblanadi.
56-modda. Yashirin ovoz berish uchun byulletenning namunasi Markaziy saylov komissiyasi tomonidan tasdiqlanadi.
Yashirin ovoz berish byulletenida uni to'ldirish tartibi haqida tushuntirish berilgan bo'lishi lozim. Byulletenning old tomonida o‘ng yuqori burchakda muhr va kamida ikki nafar sanoq komissiyasi a'zosining imzosi bo'lishi kerak.
57-modda. Yashirin ovoz berishni o'tkazish va uning natijalarini aniqlash uchun qo'shma majlisda ishtirok etayotgan deputatlar orasidan to'qqiz nafargacha a'zodan, shu jumladan, komissiya raisi va kotibidan iborat tarkibda sanoq komissiyasi saylanadi.
Sanoq komissiyasining tarkibiga Senat a'zoligiga nomzod saylanishi mumkin emas.
Sanoq komissiyasi:
Senat a'zoligiga saylov bo'yicha ovoz berishni tashkil etadi va o'tkazadi;
qo'shma majlis ishtirokchilariga yashirin ovoz berishni o'tkazish vaqti, joyi va tartibini e'lon qiladi;
saylov byulletenlarini ularga Senat a'zoligiga har bir nomzodning tug'ilgan yilini ko'rsatgan holda, familiyasi, ismi va otasining ismini alifbo tartibida kiritish orqali tayyorlaydi;
ovoz beruvchilarning ro'yxatini aniqlashtiradi, ularga saylov byulletenlarini topshiradi;
saylov byulletenining yuz tomoniga muhr qo'yadi va unda Sanoq komissiyasining kamida ikki nafar a'zosining imzosi qo'yilgan bo'lishini ta'minlaydi;
ovozlarni sanab chiqadi va yashirin ovoz berish natijalari to'g'risida bayonnoma tuzadi;
yashirin ovoz berish natijalarini qo'shma majlisga tasdiqlash uchun kiritadi.
58-modda. Yashirin ovoz berish boshlanishidan oldin sanoq komissiyasi raisi yashirin ovoz berishni o'tkazish tartibini e'lon qiladi, sanoq komissiyasi a'zolari hozirligida saylov qutisini tekshiradi va muhrlaydi.
Saylov qutisi uning yoniga ovoz beruvchilar albatta yashirin ovoz berish kabinasi yoki xonasidan o'tib boradigan qilib joylashtiriladi.
Qo'shma majlisda ishtirok etayotgan deputat sanoq komissiyasi a'zosiga o‘z shaxsini tasdiqlovchi hujjatni ko'rsatadi hamda ovoz beruvchilar ro'yxatiga imzo chekadi, shundan keyin unga yashirin ovoz berish byulleteni beriladi.
Yashirin ovoz berish byulleteni ovoz beruvchi tomonidan yashirin ovoz berish kabinasi yoki xonasida o‘zi yoqlab ovoz berayotgan Senat a'zoligiga nomzodlarning familiyalari qarshisida o‘ng tomonda joylashgan bo'sh katakka “+” yoki “•/” yoxud “x” qo'yish yo'li bilan to'ldiriladi.
Ovoz beruvchi to'ldirilgan yashirin ovoz berish byulletenini ko'rinarli joyda turishi lozim bo'lgan saylov qutisiga tashlaydi.
Buzib qo'yilgan yashirin ovoz berish byulleteni ovoz beruvchining iltimosiga ko'ra yangisiga almashtirilishi mumkin.
Yashirin ovoz berish jarayoni tugallangandan keyin foydalanilmagan, shuningdek buzib qo'yilgan yashirin ovoz berish byulletenlari ularga maxsus shtamp qo'yish yo'li bilan bekor qilinadi, shundan so'ng ular muhrlanadi va alohida saqlanadi.
59-modda. Ovozlarni sanab chiqish sanoq komissiyasi a'zolari tomonidan yashirin ovoz berish natijalari aniqlangunga qadar tanaffussiz amalga oshiriladi.
Saylov qutisidagi yashirin ovoz berish byulletenlariga asosan sanoq komissiyasi ovoz berishda ishtirok etgan deputatlarning umumiy sonini, Senat a'zoligiga har bir nomzodni yoqlab berilgan ovozlar sonini, haqiqiy emas deb topilgan byulletenlar sonini aniqlaydi.
Ovoz beruvchilar tomonidan saylov byulleteniga qo'shimcha yozib qo'yilgan fuqarolarning familiyalari bo'yicha berilgan ovozlar hisobga olinmaydi.
Belgilanmagan namunadagi yashirin ovoz berish byulletenlari, ovoz berish vaqtida bitta ham katakka “+” yoki “•/” yoxud “x” qo'yilmagan byulletenlar, shuningdek old tomonida muhr va sanoq komissiyasi a'zolarining imzolari bo'lmagan byulletenlar haqiqiy emas, deb topiladi.
Ovoz berish natijalariga ko'ra ovoz berishda qatnashgan deputatlar ovozining ellik foizidan ortig'ini olgan Senat a'zoligiganomzodlar saylangan, deb hisoblanadi.
Yashirin ovoz berish natijalari bo'yicha bayonnoma tuzilib, u sanoq komissiyasining barcha a'zolari tomonidan imzolanadi. Bayonnomaning qalamda to'ldirilishiga va unga hech qanday tuzatishlar kiritilishiga yo‘l qo'yilmaydi.
Sanoq komissiyasi raisining ma'ruzasi bo'yicha qo'shma majlisda yashirin ovoz berish natijalarini tasdiqlash to'g'risida qaror qabul qilinib, u qo'shma majlisning Senat a'zolari saylovining yakunlari to'g'risidagi bayonnomasida aks ettiriladi.
Qo'shma majlisning Senat a'zolari saylovining yakunlari to'g'risidagi bayonnomasi ikki nusxada tuzilib, raislik qiluvchi tomonidan imzolanadi.
Bayonnomaning qalamda to'ldirilishiga va unga birorta tuzatish kiritilishiga yo‘l qo'yilmaydi.
Agar ovoz berishda yashirin ovoz berish byulleteniga kiritilgan nomzodlardan kimdir saylanmagan bo'lsa, bo'sh qolgan o'rinlarga Senat a'zolarini qo'shimcha saylash uchun yangi saylov tayinlanadi.
Senat a'zolarini qo'shimcha saylash bo'yicha qo'shma majlis asosiy saylov o'tkazilganidan so'ng ikki kun ichida o'tkaziladi. Qo'shma majlisning o'tkazilish vaqti, sanasi va joyi qo'shma majlis qarori bilan belgilanadi.
60-modda. Saylangan Senat a'zolarini ro'yxatdan o'tkazish uchun qo'shma majlisning Senat a'zolari saylovining yakunlari to'g'risidagi bayonnomasi ikki kunlik muddatdan kechiktirmay Markaziy saylov komissiyasiga topshiriladi.
Qo'shma majlisning Senat a'zolari saylovining yakunlari to'g'risidagi bayonnomasining ikkinchi nusxasi va Senat a'zolari saylovini o'tkazish bilan bog'liq boshqa hujjatlar tegishincha mahalliy Kengash arxivida saqlanadi.
VIII bob. Hokimning hudud ijtimoiy-iqtisodiy rivojlanishining eng muhim va dolzarb masalalari yuzasidan hisobotini mahalliy Kengash tomonidan eshitish tartibi
61-modda. Hokim har yili mahalliy Kengashga hudud ijtimoiy-iqtisodiy rivojlanishining eng muhim va dolzarb masalalari yuzasidan hisobot taqdim etadi.
Hokimning hisoboti mahalliy Kengashning Toshkent shaharining o'tgan yildagi ijtimoiy-iqtisodiy rivojlanishi yakunlari hamda joriy yilga mo'ljallangan ijtimoiy-iqtisodiy rivojlantirish dasturining eng muhim ustuvor yo'nalishlariga bag'ishlangan sessiyasida eshitiladi.
Mazkur sessiya Toshkent shahrida O'zbekiston Respublikasi Vazirlar Mahkamasining tegishli majlisi o'tkazilganidan keyin o‘n kundan kechiktirmay o'tkaziladi.
62-modda. Hokimlik apparatining tegishli tarkibiy bo'linmasi hokimning hisobotiga doir materiallarni hokim hisobotini eshitishga o‘n kun qolgunga qadar mahalliy Kengash kotibiyatiga taqdim etadi.
63-modda. Hisobotda hokim va mahalliy ijro etuvchi hokimiyat organlari tomonidan:
hudud iqtisodiyotining barqaror o'sishini, uning tarmoqlari rivojlanishini ta'minlash, ishlab chiqarishni modernizatsiya qilish, texnik va texnologik jihatdan yangilash, chet el investitsiyalarini jalb qilish, eksport hajmini oshirish, kichik biznes va xususiy tadbirkorlikni rivojlantirish;
qonun hujjatlarini, ijtimoiy-iqtisodiy rivojlantirishning eng muhim davlat dasturlari va hududiy dasturlarni bajarish;
ijtimoiy sohani rivojlantirish, yangi ish o'rinlarini yaratish va aholi bandligini ta'minlash, uy-joylar qurish va aholi punktlarini obodonlashtirish, ta'lim hamda sog'liqni saqlash sifatini yaxshilash, hududning ijtimoiy-iqtisodiy, madaniy rivojlanishiga oid boshqa masalalarni hal qilish yuzasidan ko'rilgan chora-tadbirlar to'g'risidagi ma'lumotlar aks ettiriladi.
64-modda. Hokim hisoboti bo'yicha mahalliy Kengash qarori loyihasi yuzasidan nuqtai nazarni shakllantirish va takliflar olish maqsadida hokimning hisobotiga doir materiallar olingan kuni mahalliy Kengash kotibiyati tomonidan tegishli doimiy komissiyalarga, mahalliy Kengashdagi partiya guruhlarining vakillariga va deputatlarga yuboriladi.
65-modda. Hokim hisobotini eshitish to'g'risidagi masalani tayyorlash va sessiya muhokamasiga kiritish tegishli doimiy komissiya tomonidan amalga oshiriladi. Zarurat bo'lganda ushbu doimiy komissiya hokim hisobotini eshitish to'g'risidagi masalani atroflicha tayyorlash uchun boshqa doimiy komissiyalarni ham jalb etishi mumkin.
66-modda. Hokim hisoboti bo'yicha materiallarni umumlashtirish uchun tegishli doimiy komissiya tomonidan soha mutaxassislarini jalb etgan holda ishchi guruh tashkil etilishi mumkin.
Hokim hisobotiga doir materiallarni umumlashtirish natijalari bo'yicha tegishli doimiy komissiya tomonidan mahalliy Kengashdagi partiya guruhlarining fikr-mulohazalarini hisobga olgan holda doimiy komissiya xulosasi va mahalliy Kengash qarori loyihasi tayyorlanadi.
67-modda. Hokimning hisobotini eshitishda mahalliy Kengash raisi yoki deputatlardan biri sessiyaga raislik qiladi.
68-modda. Hokimning hisobotini eshitish uchun kamida 30 daqiqa vaqt beriladi.
Hokimning hisoboti bo'yicha mas'ul doimiy komissiya xulosasining mazmunini va mahalliy Kengash qarori loyihasining asosiy qoidalarini bayon etish maqsadida doimiy komissiya raisiga 15 daqiqagacha vaqt beriladi.
Partiya guruhlari vakillariga va deputatlarga ma'ruzachiga savol berishi uchun 3 daqiqagacha, hisobot bo'yicha muzokaralar uchun 10 daqiqagacha vaqt beriladi.
69-modda. Toshkent shahar hokimining hisobotini eshitishga ushbu Toshkent shahridan saylangan O'zbekiston Respublikasi Oliy Majlisi Senati a'zolari, Qonunchilik palatasi deputatlari, O'zbekiston Respublikasi Vazirlar Mahkamasi a'zolari, davlat boshqaruvi organlari rahbarlari, tumanlar va shaharlar hokimlari, Toshkent shahar ijro hokimiyati organlari tarkibiy bo'linmalari rahbarlari taklif etiladi.
Hokimning hisobotini eshitishga hududda joylashgan boshqa davlat organlari, fuqarolarning o'zini o‘zi boshqarish organlari, korxona, tashkilot va muassasalar, shu jumladan nodavlat notijorat tashkilotlari, siyosiy partiyalar, ommaviy axborot vositalari vakillari va boshqa shaxslar taklif etilishi mumkin.
70-modda. Toshkent shahar hokimining hisobotini muhokama qilish O'zbekiston Respublikasi Vazirlar Mahkamasining majlisida berilgan baholar va belgilangan vazifalar hisobga olingan holda amalga oshiriladi.
71-modda. Hokimning hisobotini muhokama qilish yakunlari bo'yicha, shuningdek doimiy komissiya xulosasi va partiya guruhlari fikr-mulohazalarini inobatga olgan holda mahalliy Kengashning qarori qabul qilinadi. Qarorda hokim va mahalliy ijro etuvchi hokimiyat organlari ishining samaradorligiga kompleks baho beriladi, ularning ishini takomillashtirishga doir tavsiyalar va takliflar, shuningdek qaror amalga oshirilishining borishi ustidan nazoratni ta'minlash bo'yicha chora-tadbirlar nazarda tutiladi.
72-modda. Hokimning hisoboti bo'yicha qarorning ijro etilishini nazorat qilish mas'ul doimiy komissiya zimmasiga yuklatiladi.
73-modda. Hokimning hisoboti bo'yicha mahalliy Kengash qarori va hokimning hisoboti mahalliy davlat hokimiyati organining rasmiy nashrlarida hamda veb-saytlarida e'lon qilinishi shart.
74-modda. Mas'ul doimiy komissiya hokimning hisoboti bo'yicha mahalliy Kengash qarori ijro etilishini monitoring qiladi va qarorda belgilangan muddatlarda mahalliy Kengashni xabardor qilad
Xalq deputatlari Toshkent shahar Kengashining reglamenti
I bob. Umumiy qoidalar
Xalq deputatlari Toshkent shahar Kengashining reglamenti I bob. Umumiy qoidalar 1-modda. Xalq deputatlari Toshkent shahar Kengashi (bundan buyon matnda mahalliy Kengash deb yuritiladi) davlat hokimiyatining vakillik organidir. Mahalliy Kengash o‘z faoliyatini O‘zbekiston Respublikasining Konstitutsiyasi, O‘zbekiston Respublikasining Saylov kodeksi, O‘zbekiston Respublikasining “Mahalliy davlat hokimiyati to‘g‘risida”gi, “Xalq deputatlari viloyat, tuman va shahar Kengashi deputatining maqomi to‘g‘risida”gi qonunlari va boshqa qonunlari, O‘zbekiston Respublikasi Oliy Majlisi palatalarining qarorlari, shuningdek o‘z reglamentiga muvofiq amalga oshiradi. 2-modda. Mahalliy Kengash faoliyati masalalarni jamoa bo‘lib va erkin muhokama qilishga, oshkoralikka, jamoatchilik fikrini hisobga olishga asoslanadi. 3-modda. Mahalliy Kengash o‘z faoliyatining asosiy yo‘nalishlarini mahalliy Kengashning sessiyasida (bundan buyon matnda sessiya deb yuritiladi) tasdiqlangan ish rejasi asosida belgilab oladi. Mahalliy Kengash faoliyatining asosiy yo‘nalishlarini o‘z ichiga oladigan ish rejasi asosida mahalliy Kengashning doimiy komissiyalari (bundan buyon matnda doimiy komissiyalar deb yuritiladi) ish rejalari tuziladi. Mahalliy Kengashning ish rejasi mahalliy Kengash deputatlari (bundan buyon matnda deputatlar deb yuritiladi), doimiy komissiyalar, partiya guruhlari, shuningdek hududiy vakillik organi sifatida O‘zbekiston Respublikasi Oliy Majlisi Senati tavsiyalarini inobatga olgan holda ishlab chiqiladi. Mahalliy Kengashning ish rejasi ommaviy axborot vositalari hamda mahalliy Kengashning veb-saytida e’lon qilinishi mumkin. Mahalliy Kengash ish rejasining bajarilishi uning sessiyalarida, sessiyalar oralig‘ida esa doimiy komissiyalar majlislarida muhokama qilinadi. Mahalliy Kengashning ish rejasiga o‘zgartirish va qo‘shimchalar kiritish to‘g‘risidagi masala mahalliy Kengash raisi, doimiy komissiyalar, partiya guruhlari va deputatlarning taklifiga binoan sessiyada ko‘rib chiqiladi. Ushbu masala yuzasidan qaror mahalliy Kengash reglamentida belgilangan tartibda qabul qilinadi. Mahalliy Kengashning ish rejasi o‘z vaqtida bajarilishini tashkil etish, shuningdek doimiy komissiyalarning ish rejalari doimiy komissiyalar tomonidan o‘z vaqtida ijro qilinishi uchun mahalliy Kengash raisi mas’ul hisoblanadi. 4-modda. Mahalliy Kengashga uning deputatlari orasidan saylanadigan rais boshchilik qiladi. 2 Toshkent shahar hokimi lavozimini egallab turgan shaxs bir vaqtning o‘zida mahalliy Kengashning raisi lavozimini egallashi mumkin emas. Ayni bir shaxs surunkasiga ikki muddatdan ortiq mahalliy Kengashning raisi etib saylanishi mumkin emas. Mahalliy Kengash raisi o‘z vazifalarini bajarish davrida siyosiy partiyaga a’zolikni to‘xtatib turadi, shuningdek, doimiy va boshqa komissiyalar, partiya guruhlari tarkibiga kirishi mumkin emas. Mahalliy Kengash raisi mahalliy Kengash ishini tashkil etadi, mahalliy Kengashga ko‘rib chiqish uchun kiritiladigan masalalarni tayyorlashga umumiy rahbarlik qiladi, uning sessiyalarida raislik qiladi. Mahalliy Kengashning vakolat muddati besh yil bo‘lib, mahalliy Kengash raisi mahalliy Kengash vakolati muddatiga saylanadi. 5-modda.Mahalliy Kengash hududuchunumumiybo‘lganijtimoiy-iqtisodiy rivojlanish vazifalarining amalga oshirilishini, joylarda O‘zbekiston Respublikasining Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmon va qarorlari, O‘zbekiston Respublikasi Vazirlar Mahkamasining qarorlari ijro etilishini, O‘zbekiston Respublikasi davlat hokimiyati va boshqaruvi organlari bilan fuqarolarning o‘zini o‘zi boshqarish organlari o‘rtasidagi aloqani mustahkamlashni, aholini tegishli hududni boshqarishga jalb etishni ta’minlaydi. Mahalliy Kengash hududda o‘zini o‘zi boshqarishning rivojlanishiga ko‘maklashadi, fuqarolarning o‘zini o‘zi boshqarish organlarining faoliyatini yo‘naltirib turadi, aholi muammolarini o‘rganish, aniqlash va hal etish masalalari yuzasidan ular bilan o‘zaro hamkorlik qiladi. 6-modda. Mahalliy Kengashning asosiy vakolatlariga: hududlarni ijtimoiy-iqtisodiy rivojlantirish va aholini ijtimoiy himoya qilish dasturlarini, tuman, shaharning bosh rejasini hamda uni qurish qoidalarini tasdiqlash; Toshkent shahar mahalliy byudjetini Toshkent shahar hokimining taqdimnomasiga binoan ko‘rib chiqish hamda qabul qilish, ularning ijro etilishi ustidan nazoratni amalga oshirish; Toshkent shahrining shahar byudjeti daromadlarining prognozlarini ma’lumot uchun qabul qilish; Toshkent shahrining shahar byudjetiga o‘zgartirishlar kiritish to‘g‘risidagi qarorlarni tasdiqlash; tegishli byudjetlardan moliyalashtiriladigan hududiy byudjet mablag‘larini taqsimlovchilarning byudjet mablag‘laridan samarali foydalanilishi hamda erishilgan natijalar to‘g‘risidagi hisobotlarini eshitish; Toshkent shahri mahalliy byudjetlarining tegishli davrdagi ijrosi to‘g‘risidagi hisobotlarni Toshkent shahar hokimining taqdimnomasiga binoan ko‘rib chiqish hamda tasdiqlash; mahalliy soliqlar va boshqa majburiy to‘lovlarning stavkalarini qonunchilikda belgilangan miqdorlar doirasida belgilash; hokimni va uning o‘rinbosarlarini lavozimga tasdiqlash, hokimni va uning o‘rinbosarlarini lavozimdan ozod etish, ularning faoliyatiga doir hisobotlarini, 3 shuningdek, hokimning shahar ijtimoiy-iqtisodiy rivojlanishining eng muhim va dolzarb masalalari yuzasidan hisobotlarini eshitish; O‘zbekiston Respublikasi Prezidentining Toshkent shahridagi Xalq qabulxonasining hududdagi davlat organlari va tashkilotlar rahbarlari faoliyati hamdamurojaatlar bilan ishlash holati to‘g‘risidagi axborotini har chorakda eshitish; yoshlar muammolarini o‘rganish, ularni hal etishga ko‘maklashish, yosh avlodning iste’dodi va qobiliyatini rivojlantirish uchun qo‘shimcha shart-sharoitlar yaratish choralarini ko‘rishga qaratilgan ishlar to‘g‘risida O‘zbekiston Respublikasi Yoshlar ishlari agentligi Toshkent shahar boshqarmasi rahbarining hisobotini har olti oyda eshitish; O‘zbekiston Respublikasining “Mahalliy davlat hokimiyati to‘g‘risida”gi Qonunida nazarda tutilgan hollarda hokim qarorlarini tasdiqlash; mahalliy Kengashning Ish tartibini, mahalliy Kengash doimiy va muvaqqat komissiyalari to‘g‘risidagi va qo‘shimchalar kiritish; nizomlarni tasdiqlash, ularga o‘zgartirish mahalliy Kengashning doimiy va muvaqqat komissiyalarini, boshqa organlarini tuzish, saylash va tugatish, ularning tarkibini o‘zgartirish, ular ishiga doir hisobotlarni tinglash; qonunchilikda belgilangan hollarda va tartibda xalq deputatlarining vakolatlarini e’tirof etish va muddatidan oldin to‘xtatish, ularni javobgarlikka tortish uchun rozilik berish; zarurat bo‘lganda ijro etuvchi hokimiyat bo‘limlari, boshqarmalari, boshqa tarkibiy bo‘linmalari rahbarlarining hisobotlarini, shu jumladan qonunlarga rioya etilishi, mahalliy Kengash qarorlarining va doimiy komissiyalar tavsiyalarining bajarilishi yuzasidan hisobotlarini eshitish; Toshkent shahar prokurorining faoliyati to‘g‘risidagi axborotini har yili eshitish; Toshkent shahar Ichki ishlar bosh boshqarmasi rahbarining hisobotini eshitish; Toshkent shahar Sog‘liqni saqlash bosh boshqarmasi rahbarining hisobotini eshitish; Toshkent shahar adliya boshqarmasi boshlig‘ining axborotini eshitish; Kengash so‘rovini yuborish to‘g‘risidagi taklifni ko‘rib chiqish, Kengash tekshiruvini o‘tkazish, deputatlarning so‘rovlarini yuborish va ular yuzasidan qarorlar qabul qilish; Toshkent shahar hokimining mahalliy Kengashning qonunchilikka zid qarorlarini qayta ko‘rib chiqish to‘g‘risidagi taqdimnomasiga asosan mahalliy Kengash qarorini o‘zgartirish yoki bekor qilish; Toshkent shahar hokimining va quyi Kengashning O‘zbekiston Respublikasi qonunchiligiga muvofiq bo‘lmagan qarorlarini bekor qilish; Toshkent shahar hokimining taqdimiga binoan hokimlikning tuzilmasini, shtatlarini va uning xodimlari mehnatiga haq to‘lash fondini tasdiqlash kiradi. Xalq deputatlari Toshkent shahar Kengashi: 4 Toshkent shahrining shahar byudjetidan tumanlar byudjetlariga ajratiladigan tartibga soluvchi byudjetlararo transfertlarning cheklangan miqdorlarini ko‘rib chiqadi hamda tasdiqlaydi; jismoniy va yuridik shaxslarga tegishincha meros qilib qoldiriladigan umrbod egalik qilish, doimiy egalik qilish, doimiy foydalanish, muddatli (vaqtincha) foydalanish yoki ijara huquqi asosida tegishli bo‘lgan yer uchastkalarini yoki ularning qismlarini kompensatsiya evaziga jamoat ehtiyojlari uchun olib qo‘yish va olib qo‘yilgan yer uchastkalarida joylashgan ko‘chmas mulk obyektlarini qonunda belgilangan hollarda va tartibda buzib tashlash to‘g‘risida qarorlar qabul qiladi; O‘zbekiston Respublikasi Oliy Majlisi Inson huquqlari bo‘yicha vakili (ombudsman) mintaqaviy vakilining inson huquqlari, erkinliklarini va qonuniy manfaatlarini himoya qilish holati to‘g‘risidagi ma’ruzasini har yili eshitadi; O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) mintaqaviy vakilining tegishli hududda bola huquqlari, erkinliklarini va qonuniy manfaatlarini himoya qilish holati to‘g‘risidagi ma’ruzasini har yili eshitadi; hududda mahalliy ahamiyatga molik monumental yodgorliklarni o‘rnatish va buzish (ko‘chirish) to‘g‘risida qarorlar qabul qiladi; fuqarolarning huquqlari va qonuniy manfaatlari, ijtimoiy-iqtisodiy rivojlanishni ta’minlash, atrof-muhitni muhofaza qilish sohasidagi o‘z vakolatlari jumlasiga kiritilgan boshqa tashkiliy masalalarni va qonunchilikka muvofiq nazorat qilishga doir masalalarni hal etadi. 7-modda. Mahalliy Kengash berilgan vakolatlari doirasida umum manfaatini ifodalovchi tadbirlarni o‘tkazish maqsadida O‘zbekiston Respublikasining boshqa hududlaridagi davlat hokimiyati va boshqaruvi organlari bilan shartnomaviy munosabatlar o‘rnatishga haqlidir. 8-modda. Mahalliy Kengash o‘z faoliyatini sessiyalar, doimiy komissiyalar va muvaqqat komissiyalar, mahalliy Kengashning boshqa organlari orqali, shuningdek deputatlarning O‘zbekiston Respublikasi qonun hujjatlari va mahalliy Kengash reglamentida belgilangan tartibda o‘z vakolatlarini ro‘yobga chiqarish yo‘li bilan amalga oshiradi. II bob. Sessiyani chaqirish va o‘tkazish 9-modda. Mahalliy Kengashning asosiy ish shakli sessiyadir. Sessiya O‘zbekiston Respublikasi qonun hujjatlari bilan mahalliy Kengash vakolatiga kiritilgan har qanday masalani ko‘rib chiqishga haqli. 10-modda. Mahalliy Kengash sessiyalari mahalliy Kengash raisi tomonidan, u yo‘qligida esa mahalliy Kengashga saylovda eng ko‘p deputatlik o‘rinlarini olgan siyosiy partiyadan ilgari surilgan deputatlar tomonidan tashkil etilgan partiya guruhi rahbari tomonidan zaruratga qarab, har chorakda kamida bir marta chaqiriladi. Sessiya mahalliy Kengash deputatlari kamida uchdan ikki qismining tashabbusiga yoki hokimning taklifiga binoan ham chaqirilishi mumkin. Mahalliy Kengash sessiyasini chaqirish to‘g‘risidagi qarordan deputatlar sessiya ochilishidan kamida uch kun oldin xabardor qilinadi. 5 Yangi saylangan mahalliy Kengashning birinchi sessiyasi hokim tomonidan saylovdan keyin kechi bilan uch haftalik muddat ichida chaqiriladi. Mahalliy Kengashning birinchi sessiyasi Toshkent shahar Hududiy saylov komissiyasi raisi tomonidan ochiladi hamda u mahalliy Kengash raisi saylangunga qadar sessiyaga raislik qiladi. Mahalliy Kengash sessiyalarida rais, u yo‘qligida esa mahalliy Kengashga saylovda eng ko‘p deputatlik o‘rinlarini olgan siyosiy partiyadan ilgari surilgan deputatlar tomonidan tashkil etilgan partiya guruhi rahbari raislik qiladi. Agarbirnechta siyosiy partiya teng miqdordagi eng ko‘p deputatlik o‘rinlarini egallasa, ularning o‘zaro kelishuviga ko‘ra tegishli partiyaning rahbari raislik qiladi. Mahalliy Kengashsessiyalarida prezidium tashkil qilinadi. Prezidiumga qoida tariqasida mahalliy Kengash raisi, shuningdek hokim joylashtiriladi. Yangi saylangan mahalliy Kengashning birinchi sessiyasi o‘tkazilgan kundan boshlab bir oydan kechiktirmay mahalliy Kengashning organlari tuziladi. 11-modda. Sessiya kun tartibi mahalliy Kengash raisi, partiyalar guruhlari, doimiy komissiyalar va deputatlar tomonidan bildirilgan takliflarni inobatga olgan holda tayyorlanadi. Sessiya muhokamasiga kiritilayotgan eng muhim va dolzarb ahamiyatga ega masalalarni tayyorlash uchun mahalliy Kengash raisi tomonidan tegishli tarmoqlar mutaxassislari hamda ekspertlarini jalb etgan holda ishchi guruh tashkil etilishi mumkin. Ishchi guruh masalani tayyorlash vaqtida saylovchilar, hokimlikning bo‘limlari, boshqarmalari va boshqa tarkibiy bo‘linmalari, shuningdek hududdagi korxonalar, tashkilotlar, muassasalar, nodavlat notijorat tashkilotlari, fuqarolarning o‘zini o‘zi boshqarish organlarining fikr-mulohazalarini inobatga oladi. Sessiya muhokamasiga kiritilayotgan masalalar dastlabki tarzda tegishli doimiy komissiyalar tomonidan ko‘rib chiqiladi, ular tomonidan tayyorlangan qaror loyihalari va kun tartibi bo‘yicha boshqa hujjatlar mahalliy Kengash raisiga hamda mahalliy Kengash kotibiyati mudiriga beriladi. Sessiyada ko‘rib chiqilishi kerak bo‘lgan masalalar sessiya kun tartibi loyihasiga ularni ko‘rib chiqish navbati, har bir masalani ko‘rib chiqish uchun tayyorlashga mas’ul bo‘lgan doimiy komissiyalar, ma’ruzachilar (qo‘shimcha ma’ruzachilar), shuningdek boshqa ma’lumotlar kiritilgan holda tuziladi. Sessiya kun tartibi mahalliy Kengash qarori bilan tasdiqlanadi. 12-modda. Sessiyani, shu jumladan navbatdan tashqari sessiyani chaqirish haqidagi qaror mahalliy Kengash raisi tomonidan qabul qilinadi. Sessiya o‘tkaziladigan vaqt, sana, joy va kun tartibi deputatlar e’tiboriga sessiya ochilishidan kamida uch kun oldin yetkaziladi. Deputatlarga tanishib chiqish uchun tegishli hujjatlar ham yuboriladi. Sessiyani chaqirish to‘g‘risidagi xabar ommaviy axborot vositalari orqali e’lon qilinishi mumkin. Sessiyalar ochiq, oshkora o‘tkaziladi va ommaviy axborot vositalari tomonidan yoritiladi. Zarur hollarda mahalliy Kengash raisi, doimiy komissiyalar, partiyalar guruhlarining taklifi asosida mahalliy Kengash yopiq sessiya o‘tkazish to‘g‘risida 6 qaror qabul qilishi mumkin. Yopiq sessiya o‘tkazish to‘g‘risidagi qaror deputatlar umumiy sonining kamida uchdan ikki qismining ovozi bilan qabul qilinadi. Sessiyalar axborot-kommunikatsiya texnologiyalari vositalaridan foydalangan holda videokonferensaloqa rejimida o‘tkazilishi ham mumkin. Bunda deputatlar joylardan turib jamoaviy yoki yakka tartibda ishtirok etishlari mumkin. Videokonferensaloqa rejimida o‘tkaziladigan sessiyani olib borish, kun tartibidagi masalalarni ko‘rib chiqish va qarorlar qabul qilish mahalliy Kengash reglamentida belgilangan umumiy tartibda amalga oshiriladi. Sessiya videokonferensaloqa rejimida o‘tkazilganda ovozlarni hisoblash va ovoz berish natijalarini aniqlash bilan bog‘liq masalalarni hal etish uchun deputatlar orasidan sanoq komissiyasi tuziladi. Videokonferensaloqa rejimida o‘tkaziladigan sessiyalarda ovoz berish quyidagi tartibda amalga oshiriladi: sessiyada raislik qiluvchi tomonidan masala ovozga qo‘yilganligi e’lon qilinadi; markaziy studiyada hozir bo‘lgan, jamoaviy va yakka tartibda ulanish nuqtasidan ishtirok etayotgan deputatlar qo‘llarini ko‘tarib ovoz beradilar, ovoz berish elektron tizim orqali ham amalga oshirilishi mumkin; raislik qiluvchi “qarshilar” bormi, “betaraflar” bormi degan savollar bilan murojaat qiladi, deputatlar bu savollarga ham qo‘llarini ko‘tarib javob beradilar; sessiyada ishtirok etayotgan barcha deputatlar tasviri ekranga chiqariladi, ovoz berish jarayonida barcha deputatlar ko‘rinib turishi shart; ovoz berish natijasi sanoq komissiyasi tomonidan qayd etib boriladi; sessiyada ishtirok etayotgan barcha deputatlar ovoz berib bo‘lganidan so‘ng sanoq komissiyasi tomonidan raislik qiluvchiga ovoz berish natijalari to‘g‘risida ma’lumot beriladi; raislik qiluvchi ovoz berish natijalarini e’lon qiladi. 13-modda. Agar sessiyada deputatlar umumiy sonining kamida uchdan ikki qismi hozir bo‘lsa, u vakolatli hisoblanadi. Deputatlarni ro‘yxatga olish sessiya ochilishidan oldin va uning ishidagi har bir tanaffusdan keyin amalga oshiriladi. Agar sessiyalarni o‘tkazishga mo‘ljallangan binoda elektron ovoz berish tizimidan foydalanish ko‘zda tutilgan bo‘lsa, har bir deputat uchun doimiy o‘rin ajratiladi. 14-modda. Sessiyalar ishi davlat tilida olib boriladi va zarurat bo‘lganda mahalliy Kengashning qarori asosida boshqa tillarga sinxron tarjima ta’minlanadi. 15-modda. Sessiyalarda O‘zbekiston Respublikasi Oliy Majlisi Senatining a’zolari, O‘zbekiston Respublikasi Oliy Majlisi Qonunchilik palatasining deputatlari, quyi mahalliy Kengash deputatlari, shuningdek hududdagi davlat organlari, korxonalar, tashkilotlar, muassasalar, nodavlat notijorat tashkilotlari, fuqarolarning o‘zini o‘zi boshqarish organlari, ommaviy axborot vositalarining taklif etilgan vakillari hamda boshqa shaxslar ishtirok etishlari mumkin. Sessiyaga taklif etilgan shaxslar muhokama etilayotgan masalalar yuzasidan qaror qabul qilishda ovoz berish huquqiga ega emas, shuningdek mahalliy 7 Kengashning reglamentida belgilangan tartibga rioya qilishlari va raislik qiluvchining farmoyishlariga bo‘ysunishlari shart. Sessiyaga taklif qilinadigan shaxslarning soni va tarkibi mahalliy Kengash raisi tomonidan hal etiladi. Sessiyada raislik qiluvchi sessiyada ishtirok etayotgan deputatlar soni, taklif etilgan shaxslar tarkibi to‘g‘risida deputatlarga axborot beradi. Sessiyaga taklif qilingan shaxslar uchun majlislar zalida maxsus joylar ajratiladi. 16-modda. Deputatlarning vakolatlarini tasdiqlash to‘g‘risidagi qaror yangi saylangan mahalliy Kengashning birinchi sessiyasida saylovni o‘tkazgan saylov komissiyasining taqdimiga muvofiq qabul qilinadi. Bo‘shab qolgan deputatlik o‘rniga saylov o‘tkazilganida deputatning vakolatini tasdiqlash to‘g‘risidagi qaror sessiyada saylov komissiyasining taqdimiga muvofiq qabul qilinadi. 17-modda. Sessiya o‘z ishini kun tartibini tasdiqlashdan boshlaydi. Sessiya kun tartibidagi masalalar raislik qiluvchi tomonidan bandma-band yoki butunlay ovozga qo‘yilishi mumkin. Sessiyaning kun tartibi bo‘yicha taklif va mulohazalar deputatlar tomonidan og‘zaki yoki yozma shaklda beriladi va sessiyada raislik qiluvchi tomonidan ularning kelib tushish tartibi bo‘yicha e’lon qilinadi. Sessiya kun tartibi bo‘yicha qaror deputatlar bildirgan takliflarni hisobga olgan holda qabul qilinadi. 18-modda. Har bir sessiyani o‘tkazish vaqtida deputatlar orasidan sessiya kotibi saylanadi yoki sessiya kotibiyati tuziladi. Sessiya kotibi yoki kotibiyati: so‘zga chiquvchilarning ro‘yxatini olib boradi; deputat so‘rovlarini, deputatlardan tushadigan savollar, ma’lumotnomalar, xabarlar, arizalar, takliflar va boshqa materiallarni ro‘yxatga oladi; so‘zga chiqish uchun yozilganlarning ro‘yxati va tushgan materiallar haqida raislik qiluvchiga axborot beradi; sessiya ishiga taalluqli masalalar yuzasidan deputatlarga tushuntirishlar beradi; sessiya yakunlari yuzasidan axborot tayyorlaydi; bayonnoma yoki stenogramma yuritilishini tashkil etadi. Sessiyada sessiya kotibi yoki kotibiyati tomonidan tayyorlangan axborot tinglanadi. 19-modda. Sessiyada bayonnoma yuritiladi. Sessiya bayonnomasi raislik qiluvchi va kotib tomonidan imzolanadi. Sessiya bayonnomasida quyidagilar ko‘rsatiladi: mahalliy Kengashning nomi, sessiyaning tartib raqami (chaqiriq doirasida); sessiyani o‘tkazish vaqti, sanasi va joyi; hozir bo‘lgan va qatnashmayotgan deputatlar soni, shuningdek taklif etilgan shaxslarning soni; sessiya kun tartibi, sessiya muhokamasiga kiritilgan har bir masala yuzasidan 8 har bir ma’ruzachi va qo‘shimcha ma’ruzachining ism-familiyasi hamda lavozimi; muzokaralarda so‘zga chiqqan, shuningdek ma’ruzachilar va qo‘shimcha ma’ruzachilarga so‘rovlar yo‘llagan yoki savollar bergan (yozma yoki og‘zaki shaklda) deputatlarning ism-familiyalari va saylov okruglarining raqami; qabul qilingan, “yoqlayman”, “qarshiman” yoki “betarafman” deb berilgan ovozlar soni ko‘rsatilgan qarorlar ro‘yxati. Bayonnomada sessiya kun tartibiga qo‘yilgan masalalarning mohiyati ochib beriladi, sessiya davomida so‘zlangan nutqlarning mohiyati qisqacha bayon etiladi, shuningdek sessiya kun tartibidagi masalalar yuzasidan ovoz berish yakunlari qayd etiladi. Sessiyaning bayonnomasiga deputatlar va taklif etilgan shaxslarning sessiyadagi ma’ruzalari matnlari, sessiyada hozir bo‘lgan va qatnashmayotgan deputatlar ro‘yxati, taklif etilgan shaxslar ro‘yxati va boshqa materiallar ilova qilinadi. Sessiya bayonnomasi sessiya tugaganidan so‘ng uch kundan kechiktirmay tayyorlanadi va sessiyaga raislik qiluvchi shaxs hamda kotib tomonidan imzolanadi. Sessiya jarayoni audio, video shaklda yozib olinishi yoki stenogrammasi yuritilishi mumkin. Sessiya bayonnomasining asl nusxasi, audio, video yozuvlari, stenogrammasi mahalliy Kengash kotibiyatida saqlanadi. Sessiya bayonnomasi, audio, video yozuvlari, stenogrammasi deputatlarning talabiga binoan tanishib chiqish uchun ularga berilishi mumkin. Yopiq sessiya bayonnomasi, audio, video yozuvlari, stenogrammasi mahalliy Kengash kotibiyatida “maxfiy hujjat” belgisi bilan saqlanadi. Yopiq sessiya bayonnomasi unga taalluqli materiallar bilan deputatlarni tanishtirish bevosita mahalliy Kengash kotibiyatida tilxat olinib amalga oshiriladi. 20-modda. Sessiyada raislik qiluvchi: sessiya ishining umumiy borishiga rahbarlik qiladi, mahalliy Kengash reglamentiga rioya etilishini ta’minlaydi; ma’ruzachilar, qo‘shimcha ma’ruzachilar va muzokaralarda so‘zga chiquvchilarga navbati bilan so‘z beradi; zarur hollarda sababini tushuntirib, so‘zga chiqish tartibini o‘zgartiradi; muhokama qilinayotgan masala yuzasidan xohlagan paytda so‘zga chiqishi mumkin; mahalliy Kengash reglamentida belgilangan tartibni qo‘pol ravishda buzgan deputat yoki ishtirokchini tartibga chaqiradi; deputatlarning yozma so‘rovlari, arizalari, takliflari, fikr-mulohazalarini o‘qib eshittiradi; deputatga deputat so‘rovi, savol, taklif, fikr-mulohaza yuzasidan so‘zga chiqish, shuningdek sessiyani olib borish tartibi bo‘yicha e’tirozlar bildirish uchun, qaror loyihalariga tuzatish, ovoz berish masalasi bo‘yicha takliflar kiritish uchun uning iltimosiga ko‘ra so‘z beradi; 9 muhokama tugaganidan keyin qarorlar loyihalarini ovozga qo‘yadi va ovoz berish natijalarini e’lon qiladi; sessiyada qabul qilingan qarorlarni va sessiya bayonnomalarini imzolaydi; muhokama jarayonida so‘zga chiqqan deputatlar yoki boshqa ishtirokchilar fikrini biror-bir tarzda baholash yoxud sharhlashdan, shuningdek qaror qabul qilishda tazyiq o‘tkazishdan o‘zini tiyishi lozim. Sessiyada raislik qiluvchi: mahalliy Kengash reglamenti talablari qo‘pol ravishda buzilgan taqdirda deputatni ogohlantirishga, takroran buzishga yo‘l qo‘yilganida esa uni butun sessiya kuni davomida so‘zdan mahrum qilishga; sessiya ishiga xalaqit berayotgan taklif qilingan shaxslarni sessiya zalidan chiqarib yuborishga haqli. 21-modda. Hududni ijtimoiy-iqtisodiy rivojlantirish masalalarini va eng muhim muammolarni muhokama etish maqsadida O‘zbekiston Respublikasi Oliy Majlisi Senati qo‘mitalari (komissiyalari) va mahalliy Kengashning qo‘shma majlisi o‘tkazilishi mumkin. O‘zbekiston Respublikasi Oliy Majlisi Senatining qo‘mitasi (komissiyasi) va mahalliy Kengashning qo‘shma majlisi O‘zbekiston Respublikasi Oliy Majlisi Senati qo‘mitasi (komissiyasi)ning raisi va mahalliy Kengash raisi o‘rtasida kelishuv bo‘yicha o‘tkaziladi. O‘zbekiston Respublikasi Oliy Majlisi Senatining qo‘mitasi (komissiyasi) va mahalliy Kengashning qo‘shma majlisi kun tartibidagi masalalar O‘zbekiston Respublikasi Oliy Majlisi Senatining qo‘mitasi (komissiyasi) tomonidan mahalliy Kengashning tegishli doimiy komissiyasi bilan hamkorlikda tayyorlanadi. O‘zbekiston Respublikasi Oliy Majlisi Senatining qo‘mitasi (komissiyasi) va mahalliy Kengashning qo‘shma majlisini chaqirish, uni o‘tkazish vaqti, sanasi, joyi va boshqa masalalar mahalliy Kengash reglamentiga muvofiq O‘zbekiston Respublikasi Oliy Majlisi Senati qo‘mitasi (komissiyasi)ning raisi va mahalliy Kengash raisi o‘rtasida kelishuv bo‘yicha hal etiladi.